Willkommen > Aktuelles > Theoderlüüd speelt
  • theoder

    Theoderlüüd speelt


    Plakat 2020 JPEG

    „Twee Froonslüüd toveel“
    In de Hotelpension „Waldesruh“ mutt sik de Chefin Fro Kuhlmann (Telsche Wolfgram) um twee nee Mitarbeiter kümmern. Just to de Tied drapen diverse feine Daams to de anstohende Kongress vun de „Vereinigung umweltbewusster Frauen“ in de Pension in. Ganz klor is, dat hier „richtige“ Mannslüüd nich wullt sind.

    Fro Fuchs (Ute Peters) un de vun sien Fro utenanner lebende Herr Keller (Uwe Röckendorf) hebt sik siet Johrn Breefe schrebn und wüllt sik nu in de Pension to’n ersten Mol drapen. Vörsich is hier ansecht, um nich glieks optoflegn.

    Fro Fuchs kummt „inkognito“ as Fro Grünlich, Herr Keller kummt „verkleed“ as Deelnehmer vun de Froonskongress. Dor het sik Keller’s Söhn Konrad (Sönke Genske) – uk as Daam verkleed – in de Hoffnung, de friee Posten as „Portier“ to kreegn, glieks in de Zimmerdeern Kathi (Kirsten Schreiber) verleevt.
    Fro Bobeck (Kerrin Röckendorf), een fröhere „Verhältnis“ vun Herrn Keller, is schockeert, as se de beiden vermeentli jungn Daams sik umarmen seeg.

    De een beten verwirrte Pharmazeut Professor Fischer (Hans Wischmann) kümt bi de Versök, de Froonslüüd vun de Kongress „Verjüngungspräparate“ antodreihn, in de Verdacht, een Heiratsswindler to sien.

    Um de turbulente Schwank perfekt to maken, dükert nu ok noch Fro Keller (Gerlinde Thoms-Radtke) op un find ehr Mann und Söhn in Froonskledaasch vör .

    Dat Chaos schient perfekt! Wer is nu eegentli wer und wer will wat vun wem?

Comments are closed.